تساؤلات طفلة ....كلمات تقشعر لها الابدان

اللهم صل على محمد وآل محمد

انقل لكم هالموضوع اللي يهز المشاعر ويزلزل

القلب بفجيعة اهل البيت سلام الله عليهم

تساؤلات طفلة ....كلمات تقشعر لها الابدان

1

عمة.. هاذي أرض الطفوف..؟؟؟

عمة.. ليش الكل بوجهنا شهر السيف..؟؟؟

عمة.. فتحي الخد و خليني أشوف....

هالخيل اللي حولنه تجري و تطوف..

2

عمة.. وين راح أبوي و عمي..؟؟؟

ليش يخلوني.. وحدي لهمي...؟؟؟

عمة ليش أخواني ما هم يمي...؟؟؟

و ليش عمة ... لوجهك تلطمي...؟؟؟

3

عمة ... وينه الماي...؟؟؟

عمة.. عمي واعدني...

و أعرفه لوعده وفاي...

عمة .. تأخر...

و العطش ذوب إحشاي....

عمة.. أبطا علينا...

و أخافه مهوب جاي...؟؟؟

4

عمة... وين رافع الراس...؟؟؟

وينه....

القمر... عالي الباس...؟؟؟

عمة تكفين وينه ...عمي عباس...؟؟؟

يمكن يقضي حاجة الناس...؟؟؟

5

عمة إبشري وصل الماي للخيم...

أحسه يسري جنبي تحت القدم...

عمي... عباس و هذا نعم العم

هذا مو ماي .....

عمة ... هذا .... دم!

6

عمة ليش ريحة حريق بكربله...؟؟؟

وينه عمي ... سبع المرجله...؟؟؟

عندي سؤال عمة....

واريد أسأله...

و أرد أضمه و بجبينه أقبله...؟؟؟

7

وين اللي ركبني ناقتي وقت الرحيل...؟؟؟

و إشلون عمة نسافر... بلا كفيل...؟؟؟

كلنا حريم....

يا عمة و مرافقنا .... عليل...؟؟؟

عمة .. وينه عمي...

حامي الدخيل...؟؟؟

8

عمة... شنو هالأجساد...؟؟؟

و ليش مرمية بلا ألحاد...؟؟؟

أكيد هاذي سواة الأحقاد

خل نسرع يا عمة ...

و نروح عنها بعاد...؟؟؟

9

عمة إبنا طال السفر...

و ليش الكل.. يمعن فينا النظر...؟؟؟

عمة . مو إحنا من خير البشر...؟؟؟

بس... وينه عمي ذاك القمر...؟؟؟

10

عمة... أيام و عمي ما أشوفه...؟؟؟

ودي أحظى لحظة ... بدفا كفوفه.....

ودي أتسابق بعد وياه... يا عمة و أطوفه

بس ليش يا عمة.....

ما يسمح لي بشوفة...؟؟؟

نسألكم الدعاء

شاكرين لج اخت ام عبدالله..صج تقشعر له الابدان.

ممكن نعرف منو اللي كاتبها ؟

بنت الهندال كتب:: شاكرين لج اخت ام عبدالله..صج تقشعر له الابدان.

ممكن نعرف منو اللي كاتبها ؟

تسلمين بنت الهندال على مرورج

عجبتني الكلمات ونقلتها لكن للاسف مو ذاكرين اسم الكاتب

يسلموووووووووووووو

ام خلوودي كتب:: يسلموووووووووووووو

الله يسلمج